الْخُطَـبُ الْمِنْبَرِيَّـةُ SO MANGA KHUTBAH SA MIMBAR KHUTBAH VOLUME - II Ki: ALIM, HASSANOR BIN MAKA ALAPA Al Murshid al Am Al Insan Islamic Assembly of the Philippines

PANDO'AN O MURSHID  

So Manga Bandingan o Khutbah Sa Basa
Mranaw a Go Arabic

01	So Muslim a go so Kadnan Iyan	المسلم وربّه تعالى
02	So Muslim a go so Sambayang a Jamā’ah	المسلم وصلاة الجماعة
03	So Muslim a go so Ginawa Niyan	المسلم ونفسه اللّوّامه
04	So Muslim a go so Pamikiran Iyan	المسلم وعقله
05	So Muslim a go so Niyawa Niyan	المسلم وروحه
06	So Muslim a go so Mbala’ a Loks Iyan	المسلم ووالداه
07	So Muslim a go so Karoma Niyan	المسلم وزوجته
08	So Muslim a go so Wata’ Iyan	المسلم ووالداه
09	So Muslim a go so Kindolonaan Iyan ko Manga Lolot Iyan	المسلم وأقاربه
10	So Muslim a go so Siringan Iyan	المسلم وجاره
11	So Muslim a go so Pagariya’ Iyan sii ko Islam	المسلم وصديقه
12	So Muslim a go so Ingd Iyan	المسلم وبلاده
13	So Muslim a go so Katoman sa Pasad	المسلم وو فاؤه بالوعد
14	So Muslim a go so Kananaw ko Manga Taw	المسلم وحلمه للنّاس
15	So Muslim a go so Kapantang a go Karila’	المسلم وصبره عفوه
16	So Muslim a go so Katharo’ sa Marata’	المسلم وقول السّوء
17	So Muslim a go so Kasiapa ko Pagn’s	المسلم و حفظ لسّرّ
18	So Muslim a go so Kaslaa ko Mato’a	المسلم واحترام الكبار
19	So Muslim a go so Kasakodowi ko Pagari a Muslim	المسلم وخدمة الأخ المسلم
20	So Muslim a go so Kapamasad sa Karido’	المسلم و إصلاحذات البين
21	So Muslim a go so Panolon iyan a Islam	المسلم وعوته الإسلاميّة
22	So Muslim a go so Kitindgn ko Bnar	المسلم إقامة الحقّ
23	So Muslim a go so Kapanmbatmbang a go kanggitagita’	المسلم والتّرفيه واللّعب
24	So Muslim a go so Kapakathothompok a Kaphagingd	المسلم وعلاقته الاجتماعيّة
25	So Muslim a go so Kapaliharaa ko Rogo’	المسلم وعصمة الدّماء
26	So Muslim a go so Kasiyapa ko Tamok	المسلم و حفظ المال
27	So Muslim a go so Kaatora ko Kaphamiliya	المسلم وتنظيم الأسرة
28	So Muslim a go so Kapakawatani ko Drugs a go so Pakabrg	المسلم واجتناب المخدّرات والخمر
29	So Muslim a go so Kaphaparahiyasan	المسلم والتّزيّن
30	So Muslim a go so Manga Sahābah o Rasūlullāh [saw]	المسلم وأصحاب رسول الله
31	So Muslim a go so Kambabawalay a Islam	المسلم والبيت الإسلامي
32	So Kiandato o Ummah Islamiyyah ko Miaipos a go so Kapapantagan	التّمكين للأمّة الإسلاميّة الخلفيّة التّاريخيّة والمعاصرة
33	So Muslim a go So Paratiaya ko Allãh [swt]	المسلم والإيمان بالله
34	So Muslim a go So Galbk a Mapiya	المسلم والعملُ الصّالحُ
35	So Muslim a go So Simba sii ko Islam	المسلم والعبادة في الإسلام
36	So Muslim a go So Bandingan ko Kata’o	المسلم وبيان العلم
37	So Muslim a go So Panolon sii ko Allãh [swt]	المسلم والّعوة في الإسلام
38	So Muslim a go So Jihād sa Lalan ko Allãh [swt]	المسلم والجهاد في سبيل الله
39	So Muslim a go So Kaphantang	المسلم والصّبر
40	So Muslim a go So Arga’ o Kanggalbk sii ko Islam	المسلم وقيمة العمل في الإسلام
41	So Manga Pankat o Panolon a Islam	مراتب الدّعوة الإسلاميّة
42	So Manga Silayan ko Lalan o Panolon a Iplalang Ami	المنعطفات في طريق الدّعوة
43	So Kiapakasilay o Panolon sa Nggolalan sa Kakokoma ko Taw sa Kāfir	انحراف الدّعوة بتكفيرالمسلم
44	So Manga Pangalang ko Lalan a Zapangn Skaniyan o Muslim	عقبات طريق الدّعوة الّتي يتخطّاها المسلم
45	So Sangan o Manga Kalombayan ko Panolon	دور الشّباب في عمل الدّعوة
46	So Kapakatindg sa Walay a Muslim	بناء بيت المسلم
47	So kaphapagariya’ ko Panolon sa Taman sa Matmo so Allāh	المؤاخاة الدّعوة حتّى لقاء الله سبحانه
48	So Bandingan ko Manga Kokoman o Kapagabdas	بيان أحكام الوضوء
49	So Bandingan ko Kawawjib o Manga Sambayang a Lima	بيان وجوب الصّلوات الخمس
50	So Bandingan ko Manga Sarat o Sambayang	بيان شرط الصّلاة
51	So Manga Rokon o Sambayang, so Manga Wajib Iyan, go so Manga Sonat Iyan	أركان االصّلاة واجبات وسنتها
52	So Bandingan ko Tasbīh ko Oriyan o Sambayang	بيان التسبيح بعد أداء الصلاة
53	So Bandingan ko Kipapatoray o Kanjama’ ko Sambayang	بيان وجوب صلاة الجماعة
54	So Bandingan ko Kapasbok ko Sambayang	بيان الصّلاة المسبوقة
55	So Kokoman o Kazambayang o Babay sa Masjid	حكم صلاة المرأة في المسجد
56	So Bandingan ko Kapagimam ko Sambayang	بيان الإمامة في الصّلاة
57	So Bandingan ko Sambayang a Jumu’ah	بيان صلاة الجمعة
58	So Bandingan ko Sambayang a Dowa a Boka	بيان صلاة العيدين
59	So Bandingan o Kokoman o Kapapatay	بيان أحكام الجنائز
60	So Manga Kokoman o Kakapan a go so Kaphagawidawidi ko Miatay	أحكام تكفين الميت ومأتمه
61	So Paratobowan a Onayan o Bangnsamoro Basic Law (BBL)	الملامح الأساسيّة للقانون الأساسيّ لبانجسامورو
62	So Bandingan ko Kasiyapa ko Salatan o Doniya (world environment)	بيان للمحافظة على البيئة في العالم
63	So Bandingan ko Taw a Di Khapakay a Pagimamn	بيان لمن لا يصلح إماما في الصّلاة
64	Bandingan Ko Sambayang o Taw a Adn a Sndod Iyan	بيان لصلاة من له عذر
65	So Bandingan Ko Manga Kokoman o Sambayang a Kapangni Sa Oran	بيان لأحكام صلاة الاستسقاء
66	So Bandingan ko Manga Taw a Mbgan ko Zakat a go so Taw a da on Mapatot so Zakah	بيان لمن يصرف إليه الزّكاة ومن لا يستحقّها
67	So Bandingan Ko Kaphowasa’i Ko Ramadhan a Go So Waqto Niyan	بيان لصوم رمضان ووقته
68	So Bandingan Ko Phamakabinasa Ko Powasa	بيان لمفسدات الصّوم
69	So Bandingan Ko Manga Kokoman o Kabayadi Ko Powasa	بيان لقضاء ما فات من الصّيام
70	So Bandingan Ko Manga Isasapar Ko Somosolot Sa Ihram	بيان المحظورات للمحرم
71	So Bandingan Ko Manga Kokoman O Aqiqah	بيان أحكام العقيقة في الإسلام
72	So Bandingan Ko Manga Kokoman O Jihad Sa Lalan Ko Allah	بيان أحكام الجهاد في سبيل اللَّـه
73	So Bandingan Ko Payagan O Kapriba A Go So Kokoman Iyan	بيان أحكام الرّبا في الإسلام
74	So Bandingan Ko Manga Kokoman O Kasanda’	بيان أحكام الرّهن في الإسلام
75	So Bandingan Ko Manga Kokoman O Kapagompiya’i	بيان أحكام الصّلح في الإسلام
76	So Mbidaan o Shari’ah Islamiyyah a go so Kitab a Pasad o Manosiya	الفرق بين الشّريعة الإسلاميّة والقانون الوضعيّ
77	So Rarad a Marata’ o Kiaosara ko Cellphone o Manga Kangodaan a Muslim	بيان الآثار السّيّئة لاستعمال تلفون الجوّال
78	So Manga Panarima’ o Mranaw a Makasisilay a Patot a Makaontol	تصحيح بعض المفاهيم المنحرفة للمراناويّين
79	So Bandingan ko Muslim sa Pilipinas a go So Kapakamaradika’	قضيّة المسلمين في الفلبّين وحصول الحرّيّة
80	So Bandingan ko Kiapakaoma o Islam Sii sa Pilipinas	تاريخ دخول الإسلام في الفلبّين
81	Antonaa i maana o kababangnsa ko sii ko islam	ما معنى انتمائي للإسلام؟
82	So Bandingan ko Kaknala ko Qur’an	بيان معرفة القرآن الكريم
83	So pankatan o sunnah sii ko qur’an	مكانة السّنّة في القرآن الكريم
84	So kababaloy o qur’an a mu’jizah	إعجاز القرآن الكريم
85	So kapakatotoro’ o qur’an ko manga kokoman iyan	دلالة القرآن الكريم على الأحكام
86	So kababaloy o as sunnah a isa A pkhapoonan o kokoman Sii ko shri’ah islamiyyah	كون السّنّة مصدرا من مصادر الشّريعة
87	So manga sunnah ko katharimaa ko kiasanday Niyan a sabap a kinisampay niyan rki tano	السّنّة الّتي وصلت إلينا باعتبار سندها
88	So tindg o manga imam ko manga hadith a ahad	موقف الأئمّة حول خبر الآحاد
89	So bandingan ko al ijma’ a ika tlo a pkhapoonan o kokoman o shari’ah	بيان الإجماع وهو المصدر الثَّالث لأحكام الشَّريعة
90	So bandingan ko phizosonan o ijma	بيان أنواع الإجماع في الشَّريعة الإسلاميَّة
91	So Bandingan ko Manga Barahala o Manga Arab ko Masa a Jāhiliyyah	بيان تاريخ أصنام الجاهليّة
92	So Thotholan ko Kiatokasi ko Ba’i a Â’ishah a Karoma o Rasūlullāh	قصّة اتّهام المنافقين بعائشة أمّ المؤمنين رضي اللَّـه عنها
93	So Payagan o Manga Phizosonan O Ijma’	بيانُ أَنْـوَاعِ الإِجْمَـاعِ
94	So Kataks (Al Qiyas) a Go So Manga Rokon Iyan	بيان القياس وأركانه
95	Ino So Qiyas Dalil a Lankap?	بيانُ هل القياسُ من الأدلّةِ العامّةِ؟
96	So Payagan o Piakapiya a Kokoman	بيانُ الاِسْتِحْسَـانِ
97	So Kamapiyaan a Mamamantk	بيانُ الْمَصْلَحَةِ الْمُرْسَلَـةِ
98	So Kaolna Ko Manga Lalan a Khiokit Ko Isasapar o Kitab	بيانُ سَـدِّ الذَّرَائِـعِ
99	So Kialayaman a Adat Sii Ko Shari’ah Islamiyyah	بيانُ العُــرْفِ في الشّريعةِ
100	So Bandingan Ko Al Istis’hab	بَيَانُ الاِسْتِصْحَـابِ
101	So Bandingan Ko Bitikan o Miaonaan Tano a Pagtaw	بيانُ شَـرْعِ مَنْ قَبْلَنَـا
102	So Bandingan Ko Manga Katharo’ o Manga Sahabah	بيانُ أَقْـوَالِ الصَّحَابَـةِ
103	So Thotholan Ko Manga Ba’i Ko Lagaday o Manga Masa	تاريخ النّساء عبر العصور
104	So Tindg o Islām Ko Manga Bai	موقف الإسلام من المرأة
105	So Sabaad a Btad a Kiambidaan o Babay a Go So Mama	بعض المفارقة بين الرّجل والمرأة في الحقوق
106	So Btad o Babay a Muslimah Ko Lagaday o Thothol	وضع المرأة المسلمة عبر التّاريخ
107	So Manga Kabnar o Mama Ko Babay	حقوق الرّوج على زوجته
108	So Manga Kabnar a Kathotompokan o Mama Ago So Babay	الحقوق المشتركة بين الزّوج والزّوجة
109	So Kokoman o Kambaromitan Sii Ko Islam	حكم الحضانة في الإسلام
110	So Manga Karoma o Rasūlullāh	نبذة مختصرة لأزواج رسول اللَّـه
111	So Manga Bai A Piangababantogan Ko Kapamolong Ko Giikapakithidawa O Islām	نبذة مختصرة للمسلمات المجاهدات في عصر النّبوّة

---

tagotao ko kambatiyaa sangkai a manga
khutbah a basa mranaw a isosorat
sa kaat a latin

---

So basa Mranaw na pd ko basa a makababangnsa ko basa a Malayu, a skaniyan na ipzorat ko pakaasal iyan sa kaat a kirim, a kaat a Arab, (so basa a kirim na basa a Malayu a makatotoro sa kazorat ago kapakawit sa sorat odi na nganin) so kababaloy o basa Mranaw a ipzorat sa kaat a Arab na karina ago kilala sa so bangnsa Mranaw na bangnsa a Islam, sabap ko kaat o basa niyan a so dn so kaat o Qur’ān.

Gowani a domayamang so kaat a Latin sa Pilimpinas, ipoon ko kiaagawa on o manga Ispaniyol, na lagaday ko kiapakasambi o manga Mirikano, sa lomiankap ko manga Mranaw so kiapaganad sa katao a English, na minipatoray ran sa ginawa iran so kipzoratn ko basa Mranaw sa kaat a Latin, sa datar dn o manga basa a salakaw a kiapraradan ankai a kaat.

Na miaadn so ptharoon a minadrasa a pianarankoni a Dansalan College, a inisorat iran so basa Mranaw sa kaat a Latin na pitharo iran a giioto kon i kazorat a minadrasa, a amay ka tanodan na dadag oto a katharo, ka so madrasah na basa Arab a ron sipik so minadrasa, na aya patot na so kaat iyan na kaat a Arab a datar o kirim, sa di patot o ba so kaat a Latin na aya bthowan sa minadrasa.

Sii sankoto a bithowan iran a kasorat sa minadrasa na kinowa iran so batang a U, a baris sa patay, sabap sa so kaat a Latin na aya ipmbaris iyan na batang a datar o A, E, I, O, U, na so pakaasal o basa Mranaw a ipzorat sa kaat a kirim na aya baris iyan na kna o ba batang, ka ba dn manga toos a pthagoon ko kaporoan o batang igira diatas, dapan, ago patay, ago sii ko atag iyan igira dibawa, sa datar dn o kapmbarisi ko kaat a Arab, a so diatas na goris a makaiindag ko atag o batang na so dapan na maito a talipko a datar o batang a waw a pkhatago ko kaporoan o batang na so patay na titik a ipmbatog ko batang, na so dibawa na goris a makaiindag a datar o baris a diatas ogaid na sii pkhatago ko atag o batang a babarisan on.

Sabap san na zalisayin tano so bandingan sankai a kipzoratn ko Mranaw sa kaat a Latin, ka an tano maimpit phorong so atoran iyan sa mabaloy a lgawan ago padoman o langowa a panonorat ko basa Mranaw.

SO ALIPBA O BASA A MRANAW

So Alipba o batang a Mranaw na da niyan langon kowaa so manga batang o Latin, ko kipzoratn on sankanan a kaat, go da niyan pn kowaa so langowan a batang o basa Arab, ogaid na mizamili on sa sii niyan piakaayon ko manga sowara o kapkhilapiat o basa niyan, sa katii so manga batang o basa Mranaw, a inosar o manga kadaandaan ko kinisoratn iran ko manga darangn iran ago so manga salsila iran sa kaat a kirim.

A a, Bb, Kk, Dd, Ii, Gg, Hh, Jj, Kk, Ll, Mm, Nn, Oo, Pp, Rr, Ss, Tt, Ww, Yy, Z z, Ee, NG ng,

Gianan i manga batang o kirim ko pakaasal iyan ko kaat a Arab, sa initogalin tano sa kaat a Latin. So manga batang o Latin a: C, E, Q, U, V, X, na da anan ko kaat o pakaaasal a basa Mranaw. Apia so batang a H ago J, na di pagosarn o andang a kaat a Mranaw ka pzambian iran sa batang a K ago D, sa so hadji na kadi, sii bo sankai a masa a marani i kaiyaosara on o basa Mranaw.

So Saginsing o sowara o sabaad a batang igira tiago ko salakaw ron a batang:

So batang a H, na igira miatondog iyan so batang a K, P, T, na phakadagng so kambalsa on ka datar o: khan, khowa, khokot, thabid, thawag, phatay, phamono (kan, kowa, kokot, tabid, tawag, patay, bono).

So kowit sa poro (apostrophe (’)) na gophoon sold ko batang a N, a aya matotondog iyan na batang a G, na khapatay so N, ago khabals so G, datar o BAN’G ko lawas igira biadasan, amay ka daa ba on apostrophe, na makaphagpda so kambalsa ko N, ago so G, ka datar o BANG o Bilal ko masjid, go phoon matago so batang a N ko pagltan o dowa a NG na khatagoan sa apostrophe sa khabals so N, ka datar o pangn’nkn a patot a mabals so N ko pagltan o dowa a NG,

Amay pman ka sii miatago so apostrophe ko kaposan o kalimah na so kambalsa on na phakadkho’, ka datar o: soso’ (panndaan) ka an mibida ko soso a angawta o lawas, go so boko’ ka an mibida ko boko o kayo, go so kaka’ (rdit) ka an mibida ko kaka a pagari, go so papa’ (kayo a dalog) ka an mibida ko papa a kkhb a aso. So patay a alip a kabalsa on ko poonan o kalimah o Mranaw na aya dn a kathagoon a toos na so batang a E a adn a apostrophe niyan ka aya on kakhabalsa ka datar o: e’e’natn..

Thanodan:

So basa Mranaw na missnggay a basa a tanto a madakl a batang iyan a patay a maririnkit ago makathotondotondog, sabap roo na aya dn a kaontol iyan na di dn pamarisan sa batang sa aya bo a ipanorat na so manga batang iyan sa so kambalsa on na palaya dn phamatayin, ka an mabals phorong, sa di dn barisan sa batang a salakaw.

So basa Mranaw na basa a langowan a batang iyan na palaya pmbalsn, sabap roo na di khapakay o ba so isa ko batang iyan na balowin a toos ko isaa batang a salakaw, inonta bo so batang a H, ka khatondog iyan so batang a K, P, T, sa phakadagng so kambalsa on, a datar o: kh, (khorisk) ph, (phamono) th, (thawag).

So Manga Pizatagaan (kalimah) o Basa Mranaw a Palaya
Patay ago so Kabarisi Ron

Tanto kami a somiagad sa margn ko kiandirogoda ko kabarisi ko batang a Mranaw a patay sa batang a salakaw, sabap sa aya pakaasal o basa Mranaw na ipzorat sa kaat a kirim a kaat a Arab, na so kinisoratn on sa kaat a Latin, na miaadn so mala a awid a akal ko kambarisi ron, sa adn a manga panonorat a aya kinowa iran a baris ko patay a batang o Mranaw na so batanga U, so sakn on na aya inosar akn ko paganay a kapanorat akn na so batang a E, sabap ko adn a manga basa sa doniya a giioto i inosar iran, ogaid na so kiapakadalma mi ko dirogod ami makapantag roo na aya kiaayonan ami na so tindg sa so patay a batang o Mranaw na aya dn a ontol na di barisan sa pd a batang, sabap sankai a manga gona a alowin tano:

1. An di makaphangonotonot so basa Mranaw sa salakaw a basa, sa khada so pakaasal a waraan iyan ko kipzoratn on sa kirim.
2. Igira so kaat na initogalin sa salakaw a kaat na patoray a aya kaayonan o bago a kaat a tiogalinan na so atoran o pakaasal o kaat o basa a initogalin, ka an on di khapokas so waraan iyan a pakaasal.
3. Aya kapia o basa ago aya kabagr iyan na so kababaloy niyan a manga kkmpt i kalimah, ka magaan so kipzoratn on ago so kapmbatiyaa on. Na so basa Mranaw na amay ka pamarisan so manga patay niyan na sabap ko kadakl o manga batang iyan a palaya patay na phakatonay sa kaphakatastas iyan a giioto na di mapia ko basa a mangingindaw sa kisalawo’ ago kapakamaradika. Aya ibarat iyan na so katharo a: kkngkngn, a walo i batang na o barisi so manga patay niyan sa batang a E, na pmbaloy a: kekengekengen, na pmbaloy a sapolo ago tlo i batang, datar oto mambo o barisi so patay niyan sa batang a U, a: kukungukungun,
4. Aya giiplalawanaan o manga basa sa doniya imanto na andamanayai kapphakakmpt o manga kalimah niyan, sa gianan i sabap a so basa English na lomalankolob ko langowan a basa ko kaphagosara on sabap sankanan a waraan iyan a manga kkmpt i kalimah.
5. So kakmpt o kalimah o basa na phakaogop ko kagaan a kaphagozor iyan, ago so kaphagosara on ko manga katao a bago ko Science ago Technology a lomalankap sankai a masa a kapapantagan.
6. So manga basa a manga atas i kalimah na phagawaan ago lalayon di pagosarn sabap ko kapphakakowa niyan sa mala a kotika ko kipzoratn on ago so kapmbatiyaa on. Na so doniya na mimbaropa sa langowan a kaokhaog on na madilapt ago magaan, sa kaphagosara ko langowan a okit a bago a kapandayan a kiasawaan o knal o manosiya, sa so kalombat o galbk na karina sa kaoori ago kibabagak.

Sabap san, na aya bo a miapnto a batang a baris ko basa Mranaw sankai a okit tano ko kasorat na so tlo a batang a siran so: A. I, O, sii anan ko manga batang a diatas, dibawa, dapan, sa da on so patay, na so salakaw kiran na manga batang a ron siran ipmbaris, na gophoon matondog o batang so isa sankoto a tlo a batang a A, I, O, na khibaris on ko kababaloy niyan a diatas, dibawa, dapan, na o mapokas on na so batang na patay sa mbalsn ko kapapatay niyan, sa katatan so manga ibarat iyan sa kababaan a matatalasay ron.

bkhs, bbkhzn, bkn, bbknn, bbknan, bntl, bbntln, brn, bbrnn, bbnarn, bbntln, bbkarn, bbntayin, bbngkasn, bang, ban’g, baban’gan.

Dkt, ddktn, drs, ddrsn,ddmpasn, ddrangan, ddktan, ddkhaan.

gps, ggpsan, gntng, gns, ggnsn, ggntngn, gnggn, ggnggnn, ggnkan, ggphaan, glat, gglatan, nglatan, gtan, ggtanan, gps, ggpsn.

kds, kkdsn, pkhdssn, krk, kkrkn, pkrkn, kmpl, kkmpln, pkmpln, krs, kkrsn, kkhb, kkkhbn, kkhm, kkkhmn, pkkhmn, kkrangn.

lkb, llkbn, plkbn, llkban, lpt, llptn, plptn, lmk, llmkn, plmkn, lns, llnsn.

rpd, rrpdn, prpdn, prk, pprkn, rkt, rrktn, prktn, rrndngan, rrzaan, rrngkapan, rrndann, rrditn, prditn, rrndingn, rrngitn.

Snsr, ssnsrn, psnsrn, sbt, ssbtn, psbtn, sdp, ssdpn, srot, ssrotn, psrotn.

tps, ttpsn, ptpsn, tthr, ttthrn, ptthrn, tkhs, ttkhsn, ptkhsn, tps, ttpsn, tndk, ttndkn, pthndkn, tpr, ttprn, ptprn, trn, ttrnn, tphd, tthphdn, tgl, ttgln, pthgln.

zkd, zzkhdn, pzkhdn.